Jólabingó á Akureyri

Félag fósturforeldra stendur fyrir jólabingó á Akureyrir í söfnuðarheimili Glerárkirkju, sunnudaginn 6. desember kl. 16:00-18:00. Auk bingósins verður boðið upp á rjúkandi kakó, jólalegt kruðerí og svo er aldrei að vita nema einhverjar frekari jólalegar uppákomur muni eiga sér stað. Félagsfólk er hvatt til að taka fjölskylduna með sér.

Stjórn og skrifstofa félagsins vinnur að því hörðum höndum þessa stundina að afla glæsilegra vinninga.

Verð:

Bingóspjaldið verður á 1.000 krónur og 3 á 2.500 og verður tekið við greiðslum fyrir spjöldum á staðnum.

Við vonumst til að sjá sem flest, engrar skráningar er þörf en þó hjálpar okkur við skipulag ef fólk lætur vita af komu sinni með að merkja að þau mæti á Facebook.