Lög Félags fósturforeldra 

Lög Félags fósturforeldra

 

1. gr.

Félagið heitir Félag fósturforeldra. Félagið starfar samkvæmt lögum nr. 110/2021 um félög til almannaheilla.

 

2. gr.

Tilgangur félagsins er að bæta líf fósturbarna og fósturfjölskyldna. 

 

3. gr.

Tilangi sínum nær félagið með því að setja sér markmið og áætlun um að: 

• Vinna að öllu sem getur verið til hagsbóta fósturbörnum og fjölskyldum þeirra 

• Vera málsvari og í hagsmunabaráttu fósturbarna og fjölskyldum þeirra 

• Veita nýjum og verðandi fósturforeldrum stuðning og upplýsingar 

• Aðstoða og leiðbeina félagsmönnum um stuðning, upplýsingar og ráðgjöf í málefnum sínum 

• Stuðla að fræðslu meðal félagsmanna 

• Skapa vitundavakningu meðal almennings um hlutverk og stöðu fósturbarna og fósturfjölskyldna 

 

4. gr.

Félagar geta verið: 

• Einstaklingar sem hafa tekið að sér barn í fóstur og hafa gert um það samning við barnaverndarþjónustu

• Einstaklingar sem hafa útgefið leyfi um að taka barn í fóstur

 

Félagar greiða félagsgjald samkvæmt ákvörðun aðalfundar.

 

Opinberar stofnanir, sveitarfélög, félagasamtök og aðrir geta sótt um styrktaraðild að félaginu með málfrelsis- og tillögurétt á fundum félagsins. Slík aðild er gerð með samningi milli stjórnar félagsins og styrktaraðila. Í samningi er samið um árlegt aðildargjald. Slíkir samningar skuli ekki gerðir til fleiri en þriggja ára í senn.

 

5. gr.

Félagið er sjálfstætt frá öðrum samtökum og opinberum stofnunum. Félagið er rekið með árgjaldi félagsmanna, styrkjum og frjálsum framlögum ásamt ágóða af sölu varningi. Öllum fjármunum sem félagið aflar skal varið til þess að ná markmiðum félagsins. Félagsmenn bera ekki persónulega ábyrgð á skuldum eða öðrum skuldbindingum félagsins nema með félagsgjaldi sínu.

​

Félagið starfar á öllu landinu en heimili þess og varnarþing er í Reykjavík. Stjórn félagsins má gera samstarfsamninga við önnur félög og stofnanir. Félagsfundur eða aðalfundur veitir samþykki fyrir aðild að samtökum, innlendum og erlendum, með 2/3 hluta atkvæða fundarmanna að því gefnu að og því aðeins að tillaga um slíka aðild og atkvæðagreiðslu um hana sé tiltekin í auglýstri dagskrá fundarins.

​

6. gr.

Aðalfundur fer með æðsta vald félagsins. Starfstímabil félagsins er almanaksárið og aðalfund skal halda innan sex mánaða frá lokum reikningsárs ár hvert. Stjórn boðar til aðalfundar með dagskrá með sannarlegum hætti; til dæmis á heimasíðu, samfélagsmiðlum og tölvupóstlista með tveggja vikna fyrirvara. Rétt til fundarsetu hafa þeir einir sem greitt hafa félagsgjöld eða aðildargjald þess árs og eru ekki í skuld við félagið. Aðalfundur er löglegur og ályktunarfær ef löglega hefur verið til hans boðað. Einfaldur meirihluti mættra félagsmanna ræður úrslitum mála. 

 

Dagskrá aðalfundar er eins og hér segir ásamt öðrum dagskrárliðum sem stjórn boðar til. 

1. Kosning fundarstjóra og fundarritara 

2. Skýrsla stjórnar 

3. Reikningar félagsins lagði fram til samþykktar 

4. Lagabreytingar 

5. Ákvörðun félagsgjalda 

6. Kosningar til 

   1. Fimm manna stjórnar 

   2. Þriggja varamanna 

   3. Skoðunarmaður reikningar 

7. ​Önnur mál 

 

7. gr. 

Stjórn er kjörin á aðalfundi og skiptir sjálf með sér verkum. Fyrsti fundur stjórnar er í beinu framhaldi af aðalfundi þar sem hún velur sér í það minnsta formann. Stjórn skal halda fundargerðir og setja sér starfsáætlun og starfsreglur. Formaður boðar til funda og stýrir þeim eða tilnefndir einhvern til þess en varamaður í hans fjarveru. Firmaritun er í höndum meirihluta stjórnar.

 

Stjórn er heimilt að skipa í nefndir, svæðisráð, starfshópa eða embætti um ákveðin málefni eða tiltekin mál.

 

8. gr.

Á aðalfundi skal kjósa einn eða fleiri endurskoðendur, endurskoðunarfyrirtæki, skoðunarmenn eða trúnaðarmenn úr hópi félagsmanna ásamt varamönnum þeirra. Skulu þeir rannsaka reikninga félagsins fyrir hver starfsár og leggja niðurstöður sínar fyrir aðalfund. Endurskoðendur eða skoðunarmenn má ekki kjósa úr hópi stjórnarmanna, félagsmanna eða starfsmanna félagsins.  Trúnaðarmenn sem kosnir eru úr hópi félagsmanna mega ekki sitja í stjórn félagsins eða gegna stjórnunarstörfum fyrir það.

 

9. gr.

Stjórn boðar til félagsfundar með skriflegri dagskrá til félagsmanna með minnst 5 daga fyrirvara. Stjórninni er skylt að boða til félagsfundar ef 20 félagar krefjast þess að taka mál á dagskrá á félagsfundi. Rétt til fundarsetu hafa þeir einir sem greitt hafa félagsgjöld. Á félagsfundum skulu fundarstjóri og fundarritari vera kjörnir af fundarmönnum. 

 

10. gr.

Stjórn félagsins er ekki heimilt að selja eignir félagsins né stofna til lántöku í nafni félagsins nema með samþykki aðalfundar eða félagsfundar.

​

11. gr.

Þar sem ákvæði þessa samþykkta segja ekki til um hvernig með skuli farið skal hlíta ákvæðum laga nr. 110/2021 um félög til almannaheilla, svo og öðrum lagaákvæðum er við geta átt. 

​

12. gr.

Þessum samþykktum verður ekki breytt nema á aðalfundi og með samþykki 2/3 hluta félagsmanna. Félaginu verður ekki slitið nema á aðalfundi með samþykkti 2/3 hluta atkvæða fundarmanna að því gefnu og að því aðeins að tillaga um slit félagsins og atkvæðagreiðslu um málið sé tiltekið í auglýstri dagskrá fundarins. Síðasti aðalfundur félagsins ráðstafar með einföldum meirihluta fundarmanna eignum félagsins til sambærilegs félags eða góðgerðamála. 

​

Samþykkt með breytingum á aðalfundi félagsins 8. apríl 2024.