Samtalsfundur og hóphandleiðsla fyrir fósturforeldra

Félag fósturforeldra hefur að undanförnu orðið vart við að fósturforeldrar kunni að upplifa flóknar tilfinningar í ljósi umfjöllunar um hræðilegt ofbeldi sem einstaklingar í vistun á Bakkakoti urðu fyrir og þeirrar athygli sem fósturmál hafa fengið í kjölfarið.

Í ljósi þess langar félaginu að bjóða fósturforeldrum til samtals í Mannréttindahúsinu, Sigtúni 42, mánudaginn 23. febrúar klukkan 20:00. Fundurinn yrði bæði stað- og fjarfundur fyrir þau sem ættu erfitt með að sækja viðburðinn í persónu. Félagið hefur óskað liðsinnis Guðbrands Árna Ísberg, sálfræðings, á fundinum sem mun leiða viðburðinn. Guðbrandur mun taka á móti spurningum og taka stöðu á líðan félagsfólks en flytja síðan erindi um hvernig gott sé að vinna úr þeim tilfinningum sem kunna að vera til staðar í samfélagi fósturforeldra. Guðbrandur er reyndur sálfræðiingur sem hefur sinnt handleiðslu fyrir ýmsar fagstéttir, hefur unnið með börnum sem alast upp við ofbeldi og vanrækslu, foreldrum þeirra og öðrum sem koma a…