Vorfagnaður

Við ætlum að blása til vorfagnaðar félags fósturforeldra og hittast í fimleikasal Aftureldingar í íþróttahúsinu að Varmá í Mosfellsbæ sunnudaginn 19. maí frá kl. 14.00-15.30. Boðið verður upp á kaffi og eitthvað meðlæti svo það verður kósý stemmari hjá þeim sem ekki hafa áhuga eða þol í skopp á trampólínum og dýfingum í svampagryfjur. Okkur í stjórn Félags fósturforeldra langar að gefa börnunum okkar, hvort sem börnin eru í fóstri eða eiga fóstursystkini, og fjölskyldum félagsmanna tækifæri til að hittast, ræða saman, leika okkur og hafa gaman saman. Þessi fagnaður er fyrir alla fjölskylduna. Athugið að það stendur til að hafa líka vorfagnað eða sumarhitting á Norðurlandi svo þeir sem eiga styttra að sækja þangað en á höfuðborgarsvæðið geta líka tekið þátt í fjörinu. Nánari upplýsingar koma síðar.